Go get ‘em Jesse, you Rottweiller you.
Also from The Dili Weekly a couple of great headlines:
Flooded river takes pigs, chickens, sandals
Buses, motorbikes to go to schools
(God knows we need better educated buses and motorbikes).
….
Subscribe to:
Post Comments (Atom)
1 comment:
Letter from FHTO orphans regarding upcoming government closure.
-----
Ba Exelentisimu,
Presidente, Primeiro Ministro ho Membru Parlemento
Husi
Labarik 15 iha Fundasaun Hadomi Timor Oan
FAVOR RONA MAI AMI
14 Juli 2008
Ami labarik ne’ebe mak agora iha FHTO, hakarak hato’o informasaun no husu atu resolve problema lalais!
Iha encontro 31 Maio 2008, Pelindung FHTO, Mana Kristy Gusmão hakarak hodi taka FHTO. Iha encontro 5 Julho 2008, Mana Kristy hateten katak nia sai husi FHTO no dana/osan nia hapara hotu. Agora entrega ba departemento social.
Agora dia 14 Julho, osan mos laiha, hahan mos laiha no ami atu han saida?
Ami hatene to’o ohin loron, ami nia inan sei tau matan no haruka osan mai husi Malaysia, hodi nune’e ami atu hola hahan maibe ida ne’e tuir ami labarik sira la justu. Tamba saida mak ami iha FHTO osan sei iha maibe la hasai osan ne’e no osan ne’e agora iha ne’ebe? Ami nia inan Lala iha Malaysia, nia mos tau matan ba ami nia maun alin sira ne’ebe iha Mailaysia. Maski ema tarata nia at didiak hanesan ema ne’ebe laiha harga diri maibe nia sei hamri’ik metin no sei la hakiduk tan deit ami nia futuru ba ami nia nasaun Timor Leste ne’ebe mak ami hadomi tebes. Se imi labele ona atu tau matan mai ami, entaun entrega ami ba ami nia inan Lala Noronha iha Malaysia.
Iha enkontro ne’e, fundador Mariano Sabino (Agora Ministru Agricultura) la aseita atu taka FHTO. Mana Carmen da Cruz husi Departemento Social hateten ba ami nia familia katak atu ense formulario. Iha formulario ami hateten katak ami labarik tenki fila fali ba ami nia distritu. Depois sira hatete ba ami nia familia sira dehan atu halo uma mai ami. Antes ne’e sira hatete ba ami nia familia sira dehan sei ami fila ba uma, ami bele ba Malaysia.
Ami prense hotu formulario maibe ami tenki sai husi fatin FHTO tamba FHTO atu taka iha dia 28 Julho 2008.
Ne’e duni ami labarik sente triste tamba ami nia uma hela fatin mak FHTO maibe ema duni sai ami husi ami nia uma. Ami lahatene atu ba hela iha nebe’e! Tamba, ami nunka hanoin atu fila ba foho. Tamba, fatin nebe’e ami hela durante tinan 9 (Sia) ona hamutuk ho ami nia inan Lala ne’e duni to’o agora ami hetan oportunidade ne’ebe diak, maibe iha bo’ot balun la aseita ami atu continua ami nia estudo iha rai liur (Malaysia) tamba bo’ot balun lakohi ema kiak nia oan sai matenek.
Ami la kumpriende tamba sa ema bo’ot balun sama ami labarik nia direitu. Timor-Leste nasaun foin hari’i nee presija ema matenek/profesional recursu humanos, nusa mak ami labarik kiak sira labele hetan oportunidade ne’ebe mak diak atu hari nasaun?.
Ami lakohi para ami nia fatin ne’e atu taka tamba fatin ne’e hari husi tinan 1999 no bele fo fatin ba labarik seluk ne’ebe mak presija fatin ne’e. Ne’e duni ami husu ba ema boot sira, sebele rona netik mos ami labarik kiak sira nia lian!
Imi ema boot sira dehan ami labarik sira ne’e mak futuru nasaun maibe to’o agora ami hetan oportunidade atu eskola tamba sa mak boot sira balun la fo no sira hakarak taka ami nia fatin. Triste liu mak haruka ami fila ba ami nia distritu idak-idak! Sira dehan atu halo uma mai ami labarik 15 ne’e, hodi ami bele eskola iha foho.
Ami hakarak husu ba membru parlemento sira hotu katak, SE MAK HAKARAK NIA OAN BA ESKOLA IHA FOHO? SE IHA EMA MAK HAKARAK FO ESKOLA BA IMI NIA OAN IHA LIUR!
TAMBA IHA MEMBRO PARLEMENTO SIRA NIA OAN BARAK MAK ESKOLA IHA RAI LIUR! NE’E LOS KA LAE?
Ami labarik kiak sira hakarak Membro Parlemento Nasional sira hatudu lolos katak imi bele defende ami labarik kiak sira nia direito no povo kiak sira hotu.
Ami labarik ki’ik, maibe ami la komprende ema bo’ot nia hahalok. Tinan 9 ona ami nia inan ida mak fo oportunidade diak mai ami. Nia mos hadomi ami tebes hanesan nia oan rasik. Antes nia husik ami, ema halo ami terus los, hahan mos kusta, eskola mos lalos!
Governo ho Membru Parlemento Nasional sira sempre hatete katak ami labarik sira ne’e, labarik nasaun nian no ami mak futuru nasaun nian.
• AGORA AMI MENUNTUT BA IMI
• LA BELE TAKA AMI NIA FATIN FHTO IHA DIA 28 JULHO
• FO OPPORTUNIDADE MAI AMI ATU BELE BA ESCOLA IHA MALAYSIA HAMUTUK HO AMI NIA MAUN ALIN SIRA! LALAIS!
• AMI PRESIZA MEMBRO PARLEMENTO NASIONAL IDA OU RUA HODI AJUDA AMI HO LARAN PARA EMA LA BELE MANIPULA AMI BEBEIK.
AMI MOS HATOO KATAK:
• Ami hakarak hetan educasaun nomos hakarak continua ami nia educasaun iha rai liur. Tamaba, ami hakarak buka educasaun ne’ebe diak hodi aban bain rua ami bele fila fali atu dezenvolve ami nia rai!
• La bele fo sasan mai ami hanesan UMA, maibe fo educasaun diak mai ami! Ami la kohi sai beik no ami la koi sempre depende ba ema seluk. Ami hakarak los independen rasik. Hodi ema la bele bosok mai ami no manipula ami! Ami hakarak matenek!
Ami nia maun alin 15 iha Malaysia diak hotu nomos embasador Timor Leste iha Malaysia Sr. Juvencio Martins ne’ebe hasoru ona Ministro Educasaun Malaysia nian, agora ami hein departemento rua ne’e atu asina surat MoU ne’e.
Dala ida tan ami fo hanoin ba membru parlemento atu bele rezolve ami nia problema. Opportunidade ne’e laos deit ba ami labarik FHTO 30 deit, maibe ba labarik Timor oan hotu!
Imi bele hare ami nia situasaun iha (www.timorlestenewgeneration.blogspot.com)
Ba membros parlamentu sira ami husu rona netik ami nia lian, favor buka dalan diak mai ami labarik oan kiak sira. Ami nia aman ou inan mate iha Septembru 1999 atu Timor Leste ukun an, agora imi governo ho parlemento tenki fo opportunidade diak mai ami. Laos atu halo ami terus tan...
OAN KIAK MOS BELE
OAN KIAK MOS PRESIZA MATENEK
OAN KIAK MOS BELE HARII NASAUN
OAN KIAK FUTURU NASAUN NIAN
FO OPPORTUNIDADE MAI AMI
Obrigado ba Sr./Sra. sira nia atensaun.
Post a Comment